Еден од најважните елементи во внатрешната декорација е изборот на соодветна подна подлога. Кога размислувате за изборот на под, помислете на подот како едно големо и празно сликарско платно, додека големината, обликот, текстурата и бојата се четките со кои ќе сликате.
Подовите наједноставно се делат на две подгрупи: светли и темни подови. Самата боја на подот значително го дефинира карактерот на просторот и придонесува за својот идентитет, а со тоа и за идентитетот на корисниците на просторот.
Светлите подови го отвораат просторот, го прават визуелно поголем отколку што всушност е, и затоа најдобро се прилагодени за мали и слабо осветлени простории. Со користење на светли подови, акцент се става на самата соба и на мебелот во неа, додека подот ја има улогата на извор на светлина. Со поставување на даските во правец на изворот на светлина, ќе добиете впечаток на визуелно поголема и посветла просторија.
Другата предност на светлите подови е тоа што тие дополнително придонесуваат за елеганција во просторот, истакнувајќи ги неговите контури и контурите на мебелот во него. Елеганција, чувствителност, чистота се само некои од чувствата што овие подови ќе ги разбудат во вас. Нежни и светли како снегулки, овие подови се идеални за сонувачите и романтичарите, кои ќе ја најдат својата инспирација во просторот. Денес, светлите подови најчесто се користат во домови уредени во модерен стил.
Како Јин и Јанг, така и светлите и темни подови претставуваат две спротивности кои го дефинираат просторот на ист, но сепак сосема поинаков начин.
Темните подови се карактеристични повеќе за традиционалната архитектура и ентериерот украсен во класичен и традиционален стил, како алузија на некои минати времиња.
Темните подови во повеќето случаи се користат во големи и светли простори. Нивната задача е да ја надополнат топлината на семејниот дом и да создадат пријатен амбиент погоден за вашиот престој.
Кога размислувате за еден дом, во вашите мисли, се создава слика на простор во кој темната боја на дрвото е доминантна, како на подот така и кај останатите елементи кои го создаваат тој простор.
Потемните нијанси создаваат чувство на сигурност, стабилност и вечност, нешто што може да трае со векови, исто како и самото дрво, а тоа се сите вредности врз кои се заснова семејството, а заедно со него и домот што го создавате за себе.
За оние помалку одлучните, постои сосема друга опција, која станува присутен тренд во современите ентериери, што е комбинација од неколку нијанси. Со комбинирање различни нијанси на подот добивате сосема поинакво внатрешно чувство. Се станува подинамично, и од едноставен ентериер, со мали интервенции, добивате нов израз на истиот простор.
Изберете најдобра боја на подот за вашиот дом, вклопете го со духот во кој објектот е подигнат, поврзете го на најдобар начин со мебелот и создадете дом на вашите соништа, дом кој секогаш сте го посакувале.
